Arabako Euskal Pilota Elkarteatik Baiko Pilotak datorren ostiralean, apirilak 21, antolatutako PILOTA EGUNAri buruzko informazioa helarazi nahi dizuegu; ekitaldian parte hartzera gonbidatu nahi zaituztegu.

Jarduerak hurrengo hauek izango dira:

1) PILOTARI PROFESIONALEKIN ESKU PILOTAN ARITU ETA ARGAZKIAK EGIN (19:00 – 20:30)

• Pilota eskola bakoitzak Ogueta frontoira joan ahal izango da bere pilotariekin.

• Eskola bakoitzeko arduradun bat joan behar da pilotarien taldearekin (prebenjaminak, benjaminek, alebinak, umeak eta kadeteak).

• Apirilak 20, osteguna, baino lehen, zure  eskolaren eta/edo klubaren partaidetza (eta ahal bada pilotari kopurua) esatea eskatzen dizugu.

• Familiak harmailetan egoteko aukera izango dute topaketaren zehar.

2) KAMISETA, GALTZA, ESKUMUTUR ETA PILOTA ZOZKETA

• Pilotari profesionalekin egindako jardueretan eta lehenengo partidan zehar, pilotariek zozketan izena eman ahal izango dute, sarreran beraien datuak emanez.
• Zozketa jaialdiaren lehen partidaren amaieran egingo da.

3) ESKU PILOTA JAIALDI PROFESIONALA (21:00)

• Lehen partidan (ELORDI – ESKUZA vs LARRAZABAL – ARANGUREN) Arabako bi pilotariren presentzia izango dugu, Arkaitz Eskuza eta Iker Larrazabal (egungo promozio mailako binakako txapleduna), baita Aitor Elordi binakako 1. mailako txapeldun berriarena ere.
• Bigarren partida buruz buruko txapelketako final-laurdenetako ligaxkakoa da, JOSEBA EZKURDIA eta PEIO ETXEBERRIA edo DARÍO GÓMEZen presentziarekin.
• Pilotariek doako sarrera izango dute jaialdirako (sarrera www.entradasfronton.com webgunean eskuratu behar da UMEAK kodea erabiliz).
• Familiek, monitoreek, pilota eskola edo elkarteen arduradunek eta pilotari federatuek %30eko deskontua izango dute (sarrera www.entradasfronton.com webgunean eskuratu behar da PILOTAEGUNAHELDUAK kodea erabiliz). Deskontua aplikatuta, kantxako  sarrera 24,5€koa izango da eta 14€koa errebotean eta alboko harmailetan.
• Hala nahi duten familiek euren seme-alaben sarrerak eskuratu ahal izango dituzte eurenekin batera (sarrera www.entradasfronton.com webgunean eskuratu behar da UMEAK kodea erabiliz).

PARTE HARTZERA ANIMATZEN ZAITUZTEGU!

ARABAKO EUSKAL PILOTA ELKARTEA